De Ker Saijt is aaf, athans veur noe. Gaer wil ich Bo Stevens (de webkiebus)
bedanke veur al 't werk waat hae verzat haet. 'T woor ein genoege mit dich
te werke Bo. :P
Veur alle bezeukers. Laot get achter in ós "zeiverbook"
geer hoof uch neet aan te melje (moog waal) en kint drek uch berich achter laote.
Veur ós is 't leuk om te zeen wie geer de vastelaovend belaef höb.Ouch kint geer
hiej nao de vastelaovend ós fotorippertaasj bekieke, en mesjien sjtaot geer zelf ouch waal oppe foto.
Kermembers, veur 't geval geer 't nog neet wis. Geer kint ouch ein berichske in 't
daagbook plaatse. geweun ein sjtökske nao mich versjture en dan kömp 't d'r
vanzelf op. Väör noe Alaaf en veer zeen ós nao de vastelaovend
Nick de vertaalkiebus
Maondaag aovend 31 jannewarie 2005 - 20:36,
Daag beste vastelaovesluuj, De
Kersaijt krieg langzaam gesjtalte, ich wil uch d'r allein aevekčs op wieze
det 't Fórum ouch weer besjikbaar is. Veer zeen drök bezig mit de rčs
vaerdig te kriege. Maar veur de vastelaovend is dees sjoon saijt gans aaf,
blief geweun zo noe en dan de saijt bezeuke.
Names 'De Ker', Nick Stoks, eur web & vertaalkiebus!
Donderdaag aovend 27 jannewarie 2005 - 21:11,
Daag leef Vastelaoves vrunj en vrindinne, op 6 Fibberwarie is het
weer zo wiet en moge veer ós lichaam euverdrage aan ein van de meist
óngezonje waek van 't jaor. Dit jaor velt de Vastelaovend heel vreug en
kriege veer waarsjienljk te make mit kaad waer, maar det maak ós allemaol
gaar nieks oet, Fees is Fees en det de Vastelaovend ein fees is det moge
duudelik zeen. Ouch veur ós, men van de Ker, geit d'r weer eine sjone
en sjpesjale Vastelaovend aankomme. Dit jaor zelfs mit ein daak zódet veer
gein kaaj hove te lieje én neet naat waere ('t tósti iezer funksjóneert zo
aaf en toe ouch es radiator) Vanaaf dit jaor is 't ouch de bedoeling det
veer 't ganse jaor door de saijt in de loch haje, en neet achter ein half
jaor, door plaatsgebrčk oppe server, gein saijt meer höbbe. Mit name
ózze sikketaris zal dao zeer euver te sjpraeke zeen aangezeen hae zeer
getraoje en giftig woor det hae zien gal neet meer kos sjpieje in ós
drökbezóch "zeiverbook" De Ker tummert nog sjteeds aan de waeg en is
in Remunj en ómsjtreke inmiddels wiet bekind en ingeburgert. Waal wille
veer de luuj der op wieze det veer GEIN (en det liek mich duudelik genóg
gesjreve) Vastelaoves Vereniging zeen (en al helemaol gein CV) maar geweun
ein groep vrunj diej, waat betruf euverdaag, same de Vastelaovend doorhaje
of lever: Zoepe! Via dees waeg haope veer uch van sjone, grappige, leuke,
ontreurende infermasie te veurzeen (maar meistal sjaele wazel) omtrend ós
en De Ker en in het spesjaal de Vastelaovend. Veur noe alvas eine sjone
vastelaovend!!
